AFK
Agjencioni për Financim në Kosovë (AFK)
Agjencioni për financim në Kosovë (AfK) është Institucion Financiar Jo-Bankar, fillimisht i regjistruar si program i Mercy Corps Kosovë (që nga Shtatori 1999), dhe i ri-regjistruar si Organizatë Jo-Qeveritare (OJQ) në Shkurt të vitit 2002.
Misioni i AfK-së është që të përmirësoj kushtet e jetesës në Kosovë, duke u ofruar shërbime të qëndrueshme financiare ndërmarrjeve të vogla dhe mikrondërmarrjeve.
Vizioni i AfK-së është që të bëhet institucion mikrofinanciar udhëheqës në Kosovë.
Deri më 30 Shtator 2017, AfK-ja ka dhënë gjithësejt 80,932 kredi me vlerë prej € 148,027,435.
AfK vepron ne gjithë teritorin e Kosovës: Pejë Qendra, Pejë Lokacioni 2, Prishtinë 1, Prishtina 2, Prizren, Gjakovë, Mitrovicë, Gjilan, Ferizaj, Istog, Klinë, Skenderaj, Malishevë, Therandë, Rahovec, Deçan, Drenas, Vushtrri, Viti, Gracanica.
Aktualisht AFK-ja ofron këto 6 lloje të kredive:
- Kredi për Biznes
- Kredi për Bujqësi
- Kredi për Nevoja Familjare
- Kredi për Shtëpis
- Kredi e gjelbërt
- Kredi për Regjistrim të Veturave
Kredite për Biznes
Targeti: Produkti i kredisë për biznes është i përcaktuar për mikro ndërmarrjet dhe ndërmarrjet e vogla/ sipërmarrësit privat që janë të involvuar në shërbime të ndryshme, prodhim/përpunim dhe tregti me pakicë që kanë për qëllim të shfrytëzojnë kredinë vetëm për qëllime biznesi, dhe janë në gjendje që të sigurojnë kolateral të mjaftueshëm.
Qëllimi i kredisë: Blerja e aseteve fikse dhe kapitalit të punës.
Kreditë për Bujqësi
Targeti: Kredia për bujqësi është në dispozicion të mikro fermerëve dhe fermerëve të vegjël, si dhe të atyre që janë të përfshirë në biznesin bujqësor (mbjellje, prodhuesit e qumështit, kultivimi i kafshëve, etj).
Qëllimi i kredisë: Blerja e aseteve fikse dhe kapitali i punës (riparimi i hangarëve, blerja e bagëtive, farat, fertizuesit, blerja e pajisjeve bujqësore etj).
Kreditë për nevoja familjare
Targeti: Ky produkt kreditor është i përcaktuar për klientët që kanë paga të mira nga puna e qëndrueshme apo biznesi aktiv, dhe të cilët kanë nevojë për qasje të shpejtë në kredi të vogla, afat-shkurta, afat-mesme apo kredi emergjente për nevoja të përgjithshme.
Qëllimi i kredisë: Blerja e orendive shtëpiake, mobileve, taksa shkollore për fëmijët e tyre, mallra për dimër, pushime verore, regjistrimi dhe servisimi i veturave, shpenzime mjekësore, martesa etj.
Kredia për shtëpi
Targeti: Ky produkt kreditor është i përcaktuar për klientët potencial që kanë paga të mira nga puna e qëndrueshme apo biznesi aktiv, dhe që kanë për qëllim që kredinë ta përdorin për riparime në shtëpi.
Qëllimi i kredisë: Blerje e materialit ndërtimor, riparim të sistemit të ujit, riparim i çatisë, blerje e dyerve të reja dhe dritareve, etj.
Kredi e gjelbërt
Targeti: Ky produkt kreditor është i përcaktuar për klientët që kanë pagë nga puna e qëndrueshme apo biznesi aktiv, me qëllim të financimit të projekteve dhe /ose komponenteve te projektit, të cilat kanë efekt në kursimin e energjisë.
Qëllimi i kredisë: Keto kredi shfrytzohen ne punime izolimi (Zarfi mbështjellës i objektit), blerjen e paisjeve dhe makinerive për biznese, izolimin e shtalles, makinerive bujqësore, si dhe blerjen e paisjeve shtepiake.
Kreditë për regjistrim të automjeteve
Targeti: Ky produkt kreditor është i përcaktuar për klientët që kanë të ardhura të rregullta nga puna e qëndrueshme apo biznesi aktiv, me qëllim të regjistrimit automjeteve të tyre.
Qëllimi i kredisë: Kjo kredi shfrytëzohet me qëllim të regjistrimit të automjeteve që shfrytëzohen për nevoja personale apo për nevoja të biznesit.